Dehari dhe Cvetanovska, bartës të flamurit në “Pekin 2022”

Komiteti Olimpik i Maqedonisë, prezantoi 3 sportistët, të cilët do të mbrojnë ngjyrat e Maqedonisë në Lojrat Olimpike Dimërore “Pekin 2022”. Dardan Dehari dhe Ana Cvetanovska, do të bartin flamurin e Maqedonisë, në ceremoninë e hapjes së Lojrave Olimpike Dimërore  “Pekin 2022”, për të respektuar barazinë e gjinive, një nismë të Komitetit Ndërkombëtar Olimpik, që filloi nga Lojrat Olimpike Verore “Tokio 2020”. Përpos tyre, në ekspeditën e Maqedonisë është edhe Stavre Jada, i cili ishte në rolin e njëjtë, si bartës i flamurit, në Lojrat Olimpike Dimërore, katër vite më parë në Pjongçang.

Ana Cvetanovska

“Është Olimpiada e parë për mua. Në dy vitet e fundit kam shëëuar një përparim të madh dhe në paraqitjen e mia më 5 dhe 10 shkurt, do të garojë në 15 km skiatllon, 7.5 km në garat klasike dhe 7.5 km në stil të lirë. Do të jap maksimumin dhe nga paraqitjet e mia pres rezultat të mirë.

Dardan Dehari

“Do të jetë Olimpiada e parë si garues. Mendojë se këtë vit kemi stërvitur në mënyrë në mënyrë solide si fazën përgatitore , ashtu edhe fazën garuese dhe shpresojë që Lojrat Olimpike në disiplinat Slalomi I Madhe dhe slalom do të jap maksimumin dhe do ët nxjerrim rezultat sa më të mirë të mundshëm që kthehemi kryelart nga Lojrat Olimpike.“

E para në garat e “Pekin 2022”, do të jetë Ana Cvetanovska, e cila më 5 shkurt, do të garojë në kros kantri, në shtegun e 7.5 km, ndërsa garën e ardhshme do të ketë më 10 shkurt, në shtegun 10 km të garës klasike në kros kantri. Stavre Jada do të garojë sprintin e kros kantrit më 8 shkurt, në 1.5 km dhe 50 km, stil të lirë, më 19 shkurt. Ndërkohë Dardan Dehari, garën e parë do të ketë më 13 shkurt në disipilinën e slalomit, ndërsa në slalomin e madh, do të garojë më 16 shkurt, në ditën e fundit të Lojrave Olimpike Dimërore “Pekin 2022”.

Mahir Thaçi