Gatuso , kandidat për tu ulur në stolin e Greqisë
Xhenaro Gatuso është edhe një nga kandidatët real për t’u ulur në stolin e kombëtares së Greqisë pas largimit të Van’t Ship. Sipas asaj që raportojnë mediat greke ish-trajneri i Napolit është një ndër favoritët për të marrë drejtimin e Greqisë.
Gattuso e njeh futbollin grek pasi për disa muaj në 2014-ën kur ishte në fillimet e karrierës si trajner ka drejtuar OFI-n e Cretës.
Megjithatë më i kuotuari për t’u ulur në stolin e Greqisë është spanjolli Manolo Himenez i cili ka drejtuar Seviljën nga 2007-ta deri në 2010-ën dhe në 4 periudha të ndryshme ka qenë trajner i AEK-ut të Athinës.
