Mura, konfirmon angazhimin e Mirlind Daku-t

Skuadra e Murës ka kompletuar transferimin e futbollistit kosovar, Mirlind Daku. Ky i fundit është huazuar te gjiganti slloven deri në fundin e sezonit, duke u larguar nga skuadra kroate, Osiek.

“Mirlind Daku është lojtar i ri i Muras. Sulmuesi nga Kosova do jetë huazim deri në fund të sezonit. Këtë vit ka zhvilluar 12 paraqitje për Osijek, duke shënuar tre herë. Ka kontribuar me një gol në tri ndeshje në kupë”, njofton skuadra sllovene.

Ndërkohë, edhe nënpresidenti i Mura-s, Denis Rajbar ka lavdëruar lartën yllin e Kosovës.

“Mirlind Daku është futbollisti që kemi ndjekur që një kohë të gjatë. Numrat, sidomos në kampionatin e Kosovës, flasin vetë. Është sulmues që është mësuar të shënojë gola. Besoj që do na ndihmojë në sulm dhe të marrim rezultatet më të mira të mundshme”, tha Rajbar.

Kujtojmë se skuadra e Mura-s, pas 20 javavë mban pozitën e 5-të me 29 pikë.