Mësohet vendtakimi në mes Italisë dhe Maqedonisë

Përfaqësuesja e Maqedonisë në futboll, do të takohet me kombëtaren e Italisë, në kuadër të balotazhit për Botërorin “Katar 2022” dhe që tani është mësuar stadium ku do të zhvillohet kjo përballje.

Dueli në mes këtyre kombëtareve do të zhvillohet në Palermo. Fillimisht ishte planifikuar që ky takim të zhvillohet në Torino, mirëpo skandalet e fundit, në lidhje me Juventusin, ndryshuan vendimin e Federatës së Futbollit të Italisë.

“Azzurët” presin përkrahjen e publikut në sfidën kryesore ndaj Maqedonisë, në javën e fundit të muajit mars (24 mars). Fituesi i këtij takimi do të përballet me Portugalinë ose Turqinë, ndërsa kombëtarja më e mirë , merr biletën e Botërorit “Katar 2022”.