Milani kërkon huazimin e një qendërmbrojtësi te Totenhami

Skuadra e Milanit ka hapur bisedimet me Totenhamin për huazimin e Jafet Tanganga, por të dyja palët nuk kanë arritur ende një marrëveshje. “La Gazzetta dello Sport” dhe “Calciomercato.com” raportojnë se “kuqezinjtë” dhe Tottenham janë në bisedime për një lëvizje të mundshme huazimi, por Spurs aktualisht nuk janë të hapur për të lënë produktin e akademisë së tyre të largohet në huazim.

Megjithatë, sipas ‘Calciomercato.com’, shefi i Tottenham, Fabio Paratici mund të ndryshojë mendje gjatë ditëve në vijim, duke pasur parasysh se Erick Dajer është rikthyer në aksion pas një dëmtimi dhe Kristian Romero do të bëjë të njëjtën gjë së shpejti, që do të thotë se Tanganga do të shohë zvogëlimin e kohës së tij të lojës. Drejtuesit e Milanit konsiderojnë gjithashtu opsione të tjera, duke përfshirë Erik Baili të Man. Juanjted ose Abdu Diallo të PSZH.

Gjigantët e Serie A nuk do të bëjnë një nënshkrim me para të mëdha në janar, pasi planifikojnë një investim të rëndësishëm në verë për të marrë Sven Botman nga Lille ose Gleison Bremer nga Torino.