Sebastian Fetel: Synoj sërisht të shpallem kampion
Piloti gjerman Sebastian Fetel, 4 herë kampion bote në Formula 1, ka deklaruar se nuk do të tërhiqet nga sporti në fund të këtij sezoni. Ai garon me skuadrën “Aston Martin”, e cila pak ditë më parë ka bërë prezantimin për mediat.
“Së pari, të shohim se në çfarë pike është makina e këtij sezoni. Më pas do të vendos për të ardhmen, por një gjë është e sigurt, që nuk do të tërhiqem nga garat në fund të këtij sezoni. Kam fituar 4 tituj në Formula 1 dhe është logjike që të ëndërroj e synoj të shpallem sërish kampion. Të shohim se si do të shkojnë provat zyrtare, madje mendoj se edhe gara e parë sezonale do të jetë një tip testi për ne”, u shpreh Fetel.
Kujtojmë se gara e parë në sezonin e ri në Formula 1, do të zhvillohet më 20 mars në Bahrein.