“Kemi zbuluar se përdoruesit më të vjetër kanë më pak gjasa të përdorin emoticon dhe ndihen më pak të sigurt se si i interpretojnë emoticonet”, tha autorja kryesore e studimit Isabel Bute. Hulumtimi, i cili konsiderohet si studimi i parë gjithëpërfshirës i përdorimit të emoticons ndër breza, u publikua këtë muaj në revistën Computers in Human Behavior Reports .

Studimi zbuloi gjithashtu se popullariteti i emoticons filloi në SHBA në vitin 2011 kur Apple shtoi një tastierë zyrtare emoji në iOS. 700 milionë emoticon përdoren çdo ditë në Facebook, dhe gjysma e komenteve në Instagram përmbajnë emoticon, kanë treguar statistikat. Ekipi i Otavës hetoi në mënyrë specifike tetë emoticon – tre të fokusuar në lumturi, dy në trishtim, dy në habi dhe një në zemërim.

Cilat emoticone i ngatërrojnë më shumë?

Ata mblodhën 240 të rritur nga mosha 18 deri në 80 vjeç dhe u treguan atyre tetë emoticon, në mënyrë të rastësishme. Pjesëmarrësit vlerësuan intensitetin me të cilin emoticon-at përcillnin çdo emocion. Hulumtimi zbuloi se emoticon më i ndërlikuar për të moshuarit ishte emoji i befasuar me sy “të gjerë”, një fytyrë të kuqërremtë dhe vetulla të ngritura.

Çuditërisht, kategoria e dytë më e vështirë për ta ishte “emoticons lumtur”.

“Këto rezultate na bëjnë të konkludojmë se përdoruesit e moshuar kanë motivimin dhe aftësinë për të përdorur emoticon, por nuk kanë besimin dhe ekspertizën e përgjithshme teknologjike të nevojshme për t’u përshtatur me këtë mënyrë komunikimi”, përfunduan studiuesit.

Ekipi beson se është e rëndësishme të promovohet përdorimi i emoticoneve për të moshuarit për të lehtësuar ndërveprimin midis brezave.