I ndaluar nga Twitter, Trump rikthehet me një platformë të re
Platforma e mediave sociale e Donald Trump, Truth Social, është lançuar, në një formë të kufizuar, në Apple App Store në SHBA.
Aplikacioni kishte ngjashmëri me Twitter-in, vunë në dukje komentuesit – zoti Trump u ndalua nga Twitter, Facebook dhe YouTube vitin e kaluar. Dhe disa përdorues të hershëm kishin vështirësi në regjistrimin e llogarive. Drejtuesi i projektit dhe ish-kongresmeni Devin Nunes tha se pritej të ishte plotësisht funksional deri në fund të marsit. Disa prej atyre që përpiqeshin të regjistroheshin u ishte thënë: “Për shkak të kërkesës masive, ne ju kemi vendosur në listën tonë të pritjes,” raportoi agjencia e lajmeve Reuters.
Krijuar nga Trump Media & Technology Group (TMTG), Truth Social më parë ishte vënë në dispozicion të rreth 500 testuesve beta. Javën e kaluar, Donald Trump Jr ndau një pamje të “të vërtetës” së parë të babait të tij në rrjetin social: “Bëhuni gati. Presidenti juaj i preferuar do t’ju shohë së shpejti”.
Truth Social ka pasur tashmë një përditësim për “ndreqjet e gabimeve”, sipas App Store, dhe tani është në versionin 1.0.1.
Truth Social ka pasur tashmë një përditësim për “ndreqjet e gabimeve”, sipas App Store, dhe tani është në versionin 1.0.1.
Vjeshtën e kaluar, shakaxhinjtë zbuluan një version testues të faqes së internetit të aplikacionit dhe, sipas Washington Post, adoptuan emrin e përdoruesit donaldjtrump.
Twitter e ndaloi ish-presidentin pas trazirave të 6 janarit 2021 në Kapitol, duke thënë se ai kishte thyer rregullat e tij për glorifikimin e dhunës.
Dhe komentuesit kanë theksuar, ndër të tjera, butonat e Truth Social që ngjajnë me ato që kanë të bëjnë me funksionet e përgjigjes, retweet-it dhe “like” të Twitter.
