Ibrahimovic firmos dhe zyrtarizon numrin që do mbajë në fanellë

Alsat
31.08.2020 13:46

Më në fund Zlatan Ibrahimovic ka firmosur kontratën me Milanin.

Sulmuesi suedez ka sigluar akordin e ri deri në fund të korrikut të vitit 2021. Shtatlarti do të fitojë rreth 7 milionë euro neto.

Pritet vetëm komunikata zyrtare e marrëveshjes së re mes palëve.

Këtë mëngjes lojtari shkoi në Casa Milan pak para orës 11 për të takuar drejtuesit dhe për të vendosur nënshkrimin e tij në kontratë.

Ai u largua nga zyra në orën 11:45. Pasdite në orën 3 ka stërvitje në Milanello dhe ai do të jetë i pranishëm.

Stefano Pioli dhe shokët e tij të skuadrës e presin me krahë hapur për t’u përgatitur për sezonin e ri sportiv.

Ibrahimovic do të veshë fanellën me numrin 11 dhe këtë e bëri të ditur në rrjetin social Instagram. /Lajmi.net/