Interi bën hapin e parë, siguron Bellanovën

Raoul Bellanova është një lojtar i Interit edhe pse ende nuk është zyrtarizuar. Klubi zikaltër ka përshpejtuar negociatat në orët e fundit, duke arritur një marrëveshje totale me Kaliarin.

Bellanova do të shkojë tek Interi me një huazim prej 4 milionë eurosh me të drejtë blerje në fund të sezonit. Pagesa për blerjen përfundimtare do të jetë 7 milionë euro, shkruan “L’interista”.

Anësori i majtë do të nënshkruajë një kontratë katërvjeçare me opsion për vitin e pestë me një milion euro në vit plus bonuse.