Interi, një pretendent i forte për nënshkrimin e sulmuesit te Liverpullit
E ardhmja e Mohamed Sallah mbetet një temë e nxehtë në futbollin evropian. Ylli egjiptian po shijon një tjetër sezon yjor me Liverpullin, i cili udhëheq Premier Ligën nën drejtimin e Arne Slot. Megjithatë, me kontratën e tij që skadon në qershor 2025, nuk ka asnjë shenjë rinovimi.
Kampi i Sallahut ka filluar të eksplorojë opsionet e mundshme pa pritur ofertën e Liverpulit. Sipas mediumit “El Nacional”, ai tashmë ka folur me disa klube evropiane, me Interin që del si një pretendentë i fortë. Kampionët e Serie A e shohin atë si një nënshkrim kyç për sezonin e ardhshëm dhe kanë nisur kontaktet, megjithëse nuk është bërë asnjë ofertë zyrtare.
Ndërkohë, klubet saudite, përfshirë Al-Ittihad, mbeten të interesuara, pasi më parë kanë ofruar mbi 100 milionë euro. Megjithatë, Sallah i jep përparësi futbollit evropian të nivelit të lartë dhe vazhdon të japë rezultate në Premier Ligën. Liverpulli, çuditërisht, nuk ka lëvizur për të vazhduar marrëveshjen e tij. Me talentet më të rinj si Luis Diaz dhe Kodi Gakpo që po fitojnë rëndësi, klubi mund të përgatitet për një tranzicion pa Sallahun.
Ndërsa kontrata e tij përfundon, hapi i ardhshëm i Sallahut mbetet i pasigurt. Ndërsa një qëndrim në Premier Ligën nuk përjashtohet, Interi duket se është në ‘pole position’ nëse ai vendos të largohet nga “Anfield Roud”.
