Ish-presidentja e Kosovës Jahjaga ia huq, e kualifikon Kosovën në Kampionat Evropian vitin tjetër

Ish-presidentja e vendit, Atifete Jahjaga, ka marrë pjesë në ceremoninë hapëse të Kampionatit Botëror në Katar.

Jahjaga, pjesëmarrjen në Doha e bëri me ftesë të autoriteteve të Katarit, teksa e ka bërë një huqje duke thënë se Kosova do të jetë në Kampionatin Evropian, bile vitin tjetër, ndonëse vitin e ardhshëm s’do të ketë një event të tillë.

“Ky event ka mbledhur në Katar elitën e futbollit botëror, mirëpo për fat të keq Ekipi i Kosovës nuk do jetë në garë. Pavarësisht kësaj, djemtë tanë na kanë bërë krenarë me punën e tyre të palodhshme që vitin tjetër e dërgojnë Kosovën në kampionat evropian. Kombëtarja jonë, krenaria jonë”, ka shkruar Jahjaga.

Katari është bërë shteti i parë në histori duke u bërë shteti i parë nikoqiri i Botërorit në Lindjen e Mesme.