Iu deshën dy vite, artisti mbulon shtëpinë prej 1.5 milionë eurosh me “shkarravina”

Pronarët e mëparshëm të shtëpisë iu lutën të mos bënte shkarravina në mure – por ky burrë nuk mundi ta mbante veten.

Sipas Metro Uk, bëhet fjalë për një artist i cili ka mbuluar çdo centimetër katror të shtëpisë së tij prej 1.5 milion euro me shkarravina.

Sam Cox, i njohur gjithashtu si Mr Doodle, ka kaluar dy vitet e fundit duke “suvatuar” muret e rezidencës së tij me gjashtë dhoma gjumi me vizatimet bardh e zi.

Qëllimi i tij i përjetshëm kishte qenë të blejë një shtëpi për ta shndërruar në një “varg shkarravinash”.