Izraeli thotë se respekton lirinë fetare, por do të jetë i gatshëm t’i përgjigjet provokimeve gjatë Ramazanit

Izraeli respekton lirinë e fesë, por do të jetë i gatshëm t’i përgjigjet çdo provokimi apo eksesi gjatë muajit të shenjtë mysliman të Ramazanit, i cili filloi sot, tha në një video-mesazh ministri izraelit i Mbrojtjes Yoav Galant.

“Shteti i Izraelit respekton lirinë e lutjes në Xhaminë Al-Aksa (vendi i tretë më i shenjtë i Islamit në Jerusalemin Lindor) dhe në të gjitha vendet e shenjta”, tha Gallant në një mesazh të postuar në kanalin e tij Telegram.

Por “muaji i Ramazanit mund të jetë edhe muaj i xhihadit dhe ne u themi të gjithëve: Mos provokoni, jemi gati, mos gaboni”, paralajmëroi ai.