Japonia do të ndaloj prodhimin e pelenave për fëmijë

Me Japoninë që po përballet me një problem akut të plakjes së popullsisë, Oji Holdings ka njoftuar se do të ndalojë prodhimin e pelenave për fëmijë nga shtatori i ardhshëm për shkak të uljes së kërkesës pasi shitjet e tyre ranë nga rreth 700 milionë në 2001 në 400 milionë sot. Ndërkohë, pelenat për të moshuarit janë shumë të kërkuara në Japoni dhe për më shumë se një dekadë janë shitur më shumë se pelenat për fëmijë, me statistikat e fundit që sugjerojnë se ky trend do të vazhdojë. Numri i lindjeve në Japoni ra vitin e kaluar në një rekord të ulët prej mbi 758 mijë kundrejt rreth 1.6 milion vdekjeve. Në vitin 2022, përqindja e fëmijëve nën moshën 15 vjeç korrespondonte me më pak se 12% të popullsisë së vendit, ndërsa ajo e atyre mbi 65 vjeç arriti në 30%. Popullsia e Japonisë nga 125 milionë sot pritet të bjerë në 88 milionë deri në vitin 2065, një rënie prej 30% gjatë 45 viteve. /Alsat.mk