Japonia njoftoi sanksione të reja kundër Koresë së Veriut: “Nuk mund të tolerojmë më provokime”
Zëdhënësi i qeverisë japoneze Hirokazu Matsuno tha se vendi do të vendosë sanksione shtesë kundër Koresë së Veriut duke ngrirë asetet e grupeve të përfshira në zhvillimin e raketave.
“Ne nuk mund të tolerojmë veprimet e përsëritura provokuese të Koresë së Veriut që kërcënojnë sigurinë e Japonisë dhe paqen dhe sigurinë ndërkombëtare”, tha Matsuno, sipas Reuters.
Koreja e Veriut gjuajti një raketë balistike me rreze të shkurtër veprimi në det në brigjet e saj lindore javën e kaluar, tha ushtria e Koresë së Jugut në atë kohë.
Shqetësimet për programin bërthamor të Koresë së Veriut janë rritur që kur Pheniani miratoi një ligj muajin e kaluar që lejon përdorimin parandalues të armëve bërthamore në situata të caktuara.
