Jeff Bezos dhe Lauren Sanchez dërgojnë ftesat e dasmës: Ata do të martohen në jahtin e tyre prej 500 milionë dollarësh
Jeff Bezos dhe Lauren Sanchez dërgojnë ftesat e dasmës: Ata do të martohen në jahtin e tyre prej 500 milionë dollarësh
Themeluesi i Amazon dhe një nga njerëzit më të pasur në botë, Jeff Bezos dhe e fejuara e tij , Lauren Sanchez, kanë dërguar ftesa për martesën e tyre të shumëpritur, e cila do të mbahet këtë verë, pas dy vitesh fejesë, raporton New York Post.
Në fillim të këtij viti, Page Six zbuloi ekskluzivisht se çifti do të lidhë kurorë në qershor në jahtin e tyre 500 milionë dollarësh Coru në brigjet e Italisë.
Edhe pse më parë kishin qarkulluar zëra se çifti do të martohej në Kolorado, Bezos e mohoi shpejt këtë.
Thuhet se të ftuarit do të përfshijnë ata që ishin të pranishëm në festën e tyre të fejesës në një jaht luksoz në gusht të 2023 dhe pritet të mbërrijnë emra të famshëm si Bill Gates, Leonardo DiCaprio, Kris Jenner, Mbretëresha Rania e Jordanisë dhe shumë të tjerë.
Çifti konfirmoi zyrtarisht lidhjen e tyre në janar 2019, menjëherë pasi Bezos njoftoi se po divorcohej nga gruaja e tij MacKenzie Scott, me të cilën ka katër fëmijë. Në të njëjtën kohë, Lauren Sanchez po kalonte një divorc nga bashkëshorti i saj Patrick Whitesell, me të cilin ishte e martuar prej 13 vitesh dhe kishte dy fëmijë. Përveç kësaj, ajo ka një djalë nga një lidhje e mëparshme me ish-yllin e NFL, Tony Gonzalez.
Përveç përgatitjes për dasmën e saj të ardhshme, Sanchez po përgatitet gjithashtu të drejtojë një ekspeditë hapësinore vetëm femra. Më shumë se dy vjet më parë, në një intervistë me Wall Street Journal, ajo zbuloi dëshirën e saj për të fluturuar në hapësirë me një ekuipazh vetëm femra. Ajo tha në atë kohë se pesë shoqërueset e saj do të ishin gratë që ndryshojnë botën, të cilat kanë ndikim dhe dërgojnë mesazhe të forta.
