Jim Belushi vjen muajin e ardhshëm në Tiranë
Aktori i njohur me prejardhje shqiptare, Jim Belushi, bëhet e ditur se do ta vizitojë Shqipërinë muajin e ardhshëm.
Kjo është konfirmuar nga kryetari i bashkisë së Tiranës, Erion Veliaj, gjatë një takimi me sipërmarrës të huaj në Tiranë.
“Tirana është këtë vit Kryeqyteti Europian i Rinisë. Është një moment i shkëlqyer për të ardhur në Tiranë. Kemi patur mbi 1 mijë aktivitete kulturore artistike. Ne sapo organizuam Festivalin e Dua Lipës në Tiranë, Rita Ora kishte koncertin e saj po ashtu. Muajin e ardhshëm do vijë edhe Jim Belushi në Shqipëri. Edhe ai i është shqiptar”, u shpreh Veliaj.
Kryebashkiaku tutje shton se aktivitetet e shumta në kryeqytetin shqiptar kanë krijuar një energji pozitive që vihet re nga kushdo që po e viziton.
Kujtojmë që artistja Rita Ora ishte javë më parë për të performuar në Tiranë, gjersa njëherësh ka bërë edhe disa vizita bashkë me familjen.
Përveç Ritës, në fund të muajit gusht u mbajt “Sunny Hill” edhe në Shqipëri që organizohet nga babai i Dua Lipës, Dukagjin Lipa.
