Juventusi ka arritur marrëveshje me Man. Junajtedit për futbollistin e krahut, Xhadon Sanço, kanë raportuar mediumet në Itali. Sipas tyre, Sanço do të nënshkruajë kontratë me Juventusin për pesë vjet, ndërsa pritet të përfitojë 6 milionë euro në sezon, përveç bonuseve.
Man. Junajtedi për kompletimin e transferimit të Sanços i kërkon 25 milionë euro, ndërsa “Zonja e Vjetër” pritet t’i ofrojë deri në 19 milionë euro.
25-vjeçari Sanço është pjesë e Man. Junajtedit prej vitit 2021, kur u transferua nga Dortmundi për 85 milionë euro. Ai u zhvillua te të rinjtë e Uatfordit dhe Man. Siti, ndërsa si i huazuar luajti edhe te Çellsi.
Ai në sezonin e kaluar me Çellsin i pati 42 paraqitje në të gjitha garat. I realizoi 5 gola ndërsa i pati edhe 10 asistime.
