Karikaturisti që e skicoi kokën e profetit Muhamed humb jetën në një aksident trafiku
Karikaturisti suedez i cili vizatoi kokën e profetit Muhamed në trupin e një qeni ka humbur jetën në një aksident trafiku. Lars Vilks thuhet se po udhëtonte me një makinë civile të policisë e cila u përplas me një kamion pranë qytetit Markaryd në Suedinë jugore, raporton BBC.
Dy policë mbetën të vdekur gjithashtu, ndërsa shoferi i kamionit u lëndua. Vilks, 75 vjeç, jetoi nën mbrojtjen e policisë pasi iu nënshtrua kërcënimeve me vdekje pas vizatimit. Karikatura, e botuar në vitin 2007, ofendoi shumë myslimanë që e konsiderojnë paraqitjen vizuale të profetit si blasfemi. Erdhi një vit pasi një gazetë daneze publikoi karikaturat e profetit.
Policia nuk e ka zbuluar identitetin e të vrarëve në incidentin e së dielës, por partneri i Vilks konfirmoi vdekjen e tij për gazetën Dagens Nyheter.
