Karlo Ançeloti: Nuk e prisja të shënonim aq herët

“Ishte një ndeshje e vështirë, nuk e prisja të shënonim kaq herët, ne përfituam nga linja e tyre e lartë, rezultati ishte i tepruar për mënyrën se si luajti Barcelona”. Këtë e ka përsëritur Karlo Ançelotti, trajneri i Real Madridit, pas fitores në Superkupë ndaj Barcelonës.

Komenti për Vinicius Jr, autor i het-trikut vendimtar në pjesën e parë, ishte i pashmangshëm.

“Ai luajti shumë mirë. I duheshin dy ose tre ndeshje për t’u rikthyer në nivelin e tij më të mirë (braziliani ishte jashtë për një muaj për shkak të një problem fizik”, deklaroi trajneri italian për “Movistar”.

“Ne filluam shumë mirë dhe përfituam nga linja e lartë që ata kishin për t’u përpjekur për të shtypur. Skuadra është vërtet e mirë, ne jemi të motivuar, veçanërisht pas fitimit të këtij titulli.

Trofeu im i njëmbëdhjetë me Real Madridin? Jam i lumtur, por dua të luftoj për të dymbëdhjetin.

A e kam kaluar rekordin e Zidane? Ishte një natë speciale, por në Madrid ka shumë netë speciale. Kjo është forca e këtij klubi,” tha mes tjerash Ançeloti.