Katër të vdekur, dhjetëra të zhdukur pas fundosjes së tragetit në brigjet e Balit

Të paktën katër persona kanë humbur jetën dhe dhjetëra të tjerë rezultojnë të zhdukur pasi një traget u mbyt pranë ishullit turistik indonezian të Balit. Trageti, i cili po transportonte 53 pasagjerë dhe 12 anëtarë të ekuipazhit, u mbyt ndërsa ishte në lëvizje nga Banyuangi në bregun lindor të ishullit Java drejt Balit. Deri më tani, janë shpëtuar 31 persona, ndërsa operacionet e kërkimit vazhdojnë intensivisht. Autoritetet kanë nisur hetimet për të përcaktuar shkakun e fundosjes. Sipas mediave vendore, operatori i tragetit kishte raportuar për probleme me motorin pak para se të mbytej mjeti lundrues. Aksidentet detare janë të shpeshta në Indonezi, një arkipelag me rreth 17,000 ishuj, ku zbatimi i rregullave të sigurisë shpesh mbetet i dobët.

“Anija u fundos shpejt. Kështu që nuk pata nevojë të hidhesha më, por u fundosa me ujin që hynte në anije, ndoshta rreth 7 metra thellë. Kur isha në det takova dy persona të tjerë të cilëve iu bashkëngjita. Pastaj erdhi edhe një person tjetër, kështu që ishim katër prej nesh gjithsej, secili duke përdorur një jelek shpëtimi rreth qafës. Njëri vdiq ndërsa tre të tjerët mbijetuam”, deklaroi Supardi, i mbijetuar. /Alsat.mk