Kim Jong Un: Konflikti i armatosur po bëhet realitet për shkak të SHBA-së

Udhëheqësi i Koresë së Veriut, Kim Jong Un u tha komandantëve ushtarakë të vendit se mjetet më të fuqishme duhet të mobilizohen për të shkatërruar Shtetet e Bashkuara dhe Korenë e Jugut nëse ata zgjedhin konfrontimin ushtarak.

Kim deklaroi se rreziku i një konfrontimi të armatosur në gadishullin korean po bëhet shpejt realitet për shkak të manovrave armiqësore nga armiqtë, përfshirë Shtetet e Bashkuara, duke kërkuar që vendi të “mprehë shpatën e çmuar” për të mbrojtur veten, shkruan Reuters.

“Nëse armiku vendos për konfrontim ushtarak … ushtria jonë duhet të japë një goditje vdekjeprurëse për t’i asgjësuar ata tërësisht duke mobilizuar të gjitha mjetet dhe potencialet më të vështira pa hezitim të momentit,” u shpreh udhëheqësi i Koresë së Veriut.

Kim i bëri komentet ndërsa priti udhëheqës të lartë ushtarakë të dielën në selinë e Partisë së Punëtorëve (WPK) në pushtet për t’i uruar ata për arritjet e bëra në vitin 2023.