Kina po hap kufijtë e saj për turistët e huaj për herë të parë që nga viti 2020
Kina po hap kufijtë e saj për turistët e huaj për herë të parë që nga viti 2020
Kina ka njoftuar se nga nesër do të rifillojë dhënien e të gjitha llojeve të vizave dhe do të hapë kufijtë e saj për turistët e huaj, për herë të parë pas tre vjetësh nga shpërthimi i pandemisë së koronavirusit.
Një nxitje për sektorin e turizmit duhet të ndihmojë në rritjen e ekonomisë së Kinës prej 17 miliardë dollarësh, e cila vitin e kaluar pa një nga normat e saj më të ngadalta të rritjes në gati gjysmë shekulli.
Ministria e Jashtme e Kinës tha sot se zonat pa viza tani do të rikthehen në zonat që nuk kërkonin vizë përpara pandemisë, duke përfshirë ishullin turistik jugor të Hainan dhe tranzitin përmes portit të Shangait me anije lundrimi. Do të ketë gjithashtu hyrje pa viza në qendrën jugore të prodhimit të Guangdong për të huajt që vijnë nga Hong Kongu dhe Macau.
Ministria e Punëve të Jashtme tha gjithashtu se të huajt me viza të vlefshme të lëshuara para datës 28 mars 2020 do të mund të hyjnë në Kinë.
Fluturimet ndërkombëtare hyrëse dhe dalëse javën e kaluar u rritën me më shumë se 350% krahasuar me të njëjtën periudhë të vitit 2022, në afro 2,500 fluturime, sipas APP Flight Master. Megjithatë, ato janë vetëm 17.4% e fluturimeve në 2019.
Në vitin 2022, vetëm 115.7 milionë fluturime ndërkufitare u regjistruan në Kinë, nga të cilat vetëm 4.5 milionë ishin të huaja.
Pekini braktisi politikën e tij drakoniane të normës zero për COVID-19 në dhjetor, dhe tashmë në janar hoqi kërkesën e vetëizolimit për udhëtarët pas mbërritjes në Kinë.
