Kjo autostradë ka një korsi biçikletash të mbuluar me panele diellore

Fotot nga Koreja e Jugut që tregojnë rrugën e së ardhmes, me një korsi të dedikuar biçikletash të mbuluar me panele diellore, kanë bërë xhiron për dhjetë vjet si një shembull i mirë i zhvillimit të qëndrueshëm. Edhe pse ka kundërshtime lidhur me ndikimin e zhurmës dhe gazrave të shkarkimit tek çiklistët, ky projekt magjeps.

Koreja e Jugut ndërtoi këtë shteg biçikletash miqësore me mjedisin në vitin 2014, dhe rruga lidh qytetet me Sejong, kryeqyteti administrativ i Koresë së Jugut. Korsia 13 metra e gjerë e vendosur në mes të autostradës është unike në Korenë e Jugut, ku shumica e korsive të biçikletave janë ndërtuar krahas rrugëve për këmbësorë.

Me 7,502 panele diellore të vendosura afërsisht 76 centimetra larg njëri-tjetrit, panelet mbulojnë afërsisht 4,8 kilometra të autostradës 8,8 kilometra dhe mund të prodhojnë mesatarisht 2,200 MWh energji elektrike miqësore me mjedisin në vit, e cila fuqizon shumë dritat e rrugëve dhe ekranet elektronike të Sejong. Në fakt, panelet diellore prodhojnë sasinë ekuivalente të energjisë për të fuqizuar rreth 600 familje, sipas Ministrisë së Tokës, Infrastrukturës dhe Transportit të Koresë së Jugut.