Klop “piketon” mbrojtësin 23 vjeçar të Brajtonit

Skuadra e Liverpullit ka si objektiv kryesor përforcimin e repartit të mbrojtjes për sezonin e ardhshëm. “The Reds” janë në krizë pikërisht për mungesat në prapavijë për shkak të dëmtimesh dhe Klop tashmë ka shënjestruar objektivat, ku njëri prej tyre është Ben Uajt.

Mbrojtësi 23-vjeçar po bën shumë mire me Brajtonin prej 2 sezonesh dhe ka tërhequr vëmendjen e drejtuesve të klubit që prej kohësh po e vëzhgojnë duke u bindur për aftësitë e lojtarit. Uajt ka një kontratë të gjatë deri në 2024 me Brajtonin, por me një ofertë deri në 30 milionë euro, palët mund të arrijnë në një marrëveshje në verë.