Kompanitë amerikane i paguajnë Rusisë më shumë se një miliard dollarë taksa
Kompanitë amerikane i paguajnë Rusisë më shumë se një miliard dollarë taksa
Kompanitë amerikane që vazhduan të operojnë në Rusi pas agresionit të saj kundër Ukrainës i paguan Kremlinit më shumë se një miliard dollarë të ardhura nga taksat, ka mësuar Newsweek.
Kompanitë amerikane i kanë paguar Rusisë 1.2 miliardë dollarë taksa mbi korporatat në vitin 2023, sipas të dhënave nga grupi B4Ukraine dhe Instituti i Ekonomisë së Kievit (KSE), të cilat u publikuan ekskluzivisht nga Newsweek, transmeton Tanyug.
Kjo i bëri kompanitë amerikane taksapaguesit më të mëdhenj në Rusi midis firmave të huaja.
Pasi Rusia pushtoi Ukrainën më 24 shkurt 2022, kompanitë në mbarë botën u larguan nga vendi për të shprehur kundërshtimin e tyre moral ndaj konfliktit dhe për të ushtruar presion ekonomik ndaj Moskës.
Instituti KSE vlerëson se rreth 328 kompani amerikane kanë mbetur në Rusi. Taksa më e madhe e korporatës që i është paguar Rusisë në vitin 2023 është kompania e duhanit Philip Morris me 220 milionë dollarë, korporata e pijeve PepsiCo – 135 milionë dollarë dhe kompania e ëmbëlsirave Mars – 99 milionë dollarë.
Pas Shteteve të Bashkuara, tatimpaguesi i dytë më i madh i fitimeve të Kremlinit në 2023 ishte Gjermania, pasi kompanitë i paguanin 693 milionë dollarë taksa Rusisë dhe Austria ishte e treta, me firmat që paguanin 579 milionë dollarë taksa.
