Komuniteti hebre: Pandemia ka përkeqësuar antisemitizmin
Drejtuesit e komunitetit hebre deklaruan se pandemia e koronavirusit ka përkeqësuar antisemitizmin në Gjermani.
“Koronavirusi i ka bërë gjërat më keq, frenimet janë ulur, janë bërë përpjekje për të rishkruar dhe minimizuar historinë”, theksoi Pinchas Goldschmidt, president i Konferencës së Rabinëve Europianë (CER).
“Nuk ka dyshim se, në këtë klimë, hebrenjtë ndihen gjithnjë e më të pasigurt, ata nuk guxojnë më të dalin në rrugë, kjo është krejtësisht e papranueshme”, shtoi Goldschmidt.
Ruediger Mahlo, një përfaqësues i seksionit gjerman të Konferencës , i cili po kërkon dëmshpërblim për viktimat e persekutimit nazist dhe trashëgimtarët e tyre, tha se ishte e rëndësishme të ndiqen penalisht ata që janë fajtorë për antisemitizëm dhe mohimin e Holokaustit.
”Të mbijetuarit e Holokaustit po dëshmojnë se mohimi dhe shtrembërimi i Holokaustit si dhe sulmi antisemit u bënë gjithnjë e më të shfrenuara gjatë pandemisë”, tha Mahlo.
