Kremlini: Objektivat e operacionit special duhet të përmbushen

Zëdhënësi i Kremlinit Dmitry Peskov tha se qëllimet e operacionit special rus për çështjen e çmilitarizimit të Ukrainës duhet të përmbushen sepse ato përbëjnë një kërcënim për popullin rus.

Siç tha ai, afatin për kryerjen e operacionit special rus do ta caktojë presidenti rus Vladimir Putin në përputhje me rezultatet dhe qëllimet e arritura.

“Qëllimi është shkombëtarizimi i Ukrainës, dhe skenari ideal do të ishte nëse Ukraina pastrohet nga nazistët”, tha ai.

Ai tha gjithashtu se ishte absolutisht e papranueshme përdorimi i termit “pushtim” kur i referohemi këtij operacioni.

Duke folur për mundësinë e shkatërrimit të plotë të ushtrisë ukrainase, Peskov tha se qëllimi ishte “neutralizimi i potencialit ushtarak të Kievit”.

Ai iu referua gjithashtu çështjes së ndryshimit të mundshëm të regjimit në Kiev, duke thënë se kjo ishte një çështje ekskluzive për t’u zgjidhur nga populli ukrainas.