Kristiano Ronaldo kërkon 19.9 mln euro nga Juventusi!
Sipas të përditshmes italiane ‘La Gazzetta dello Sport’, Kristiano Ronaldo dëshiron që Juventusi t’i paguajë tarifën prej 19.9 milionë euro, të rënë dakord në vitin 2020. Ai kishte pranuar publikisht të bënte një ulje pagash, por fshehurazi nënshkroi një marrëveshje me klubin që i garantonte atij 19.9 milionë euro, madje nëse do të largohej nga Torino.
Ylli portugez i bëri thirrje një ekipi avokatësh që të shqyrtojnë situatën me ‘Zonjën e Vjetër’ dhe të studiojnë bilancet e tyre përpara se të bëjnë kërkesën e tij.
Drejtori sportiv i Juventusit, Federico Çerubini, diskutoi paratë që i detyroheshin Ronaldos kur foli me ish-presidentin Andrea Agnelli në fund të gushtit 2021.
“19 milionë euro nga viti i kaluar dhe 9 milionë euro nga një vit më parë, pra 28 milionë euro para taksave për shkak të COVID,” tha mes tjerash Çerubini.
