Kriza e gazit në Evropë do të jetë edhe më e keqe në vitin 2023
Kriza e gazit në Evropë do të jetë edhe më e keqe në vitin 2023
Evropa pret një mungesë të madhe të furnizimeve me gaz deri në dimrin e ardhshëm, paralajmëroi sot Agjencia Ndërkombëtare e Energjisë (IEA).
Midis tyre ishte edhe fluksi i gazit rus përmes tubacioneve, i cili u ul në mënyrë drastike gjatë vitit, por ishte kryesisht brenda kufijve normalë në gjysmën e parë të vitit.
Për më tepër, importet më të ulëta të LNG-së kineze në dhjetë muajt e parë të këtij viti ishin çelësi për furnizimin e Evropës me më shumë LNG për të kompensuar një reduktim të furnizimit nga Rusia.
Një sfidë edhe më e madhe e pret Evropën dimrin e ardhshëm
“Duke pasur parasysh motin e ngrohtë të kohëve të fundit dhe çmimet më të ulëta të gazit, ekziston rreziku i një relaksimi kur bëhet fjalë për furnizimin me gaz të Evropës, por rreziku nuk ka mbaruar aspak”, tha drejtori i IEA-s, Fatih Birol.
“Kur shikojmë tendencat më të fundit dhe zhvillimet e mundshme në tregun global dhe evropian të gazit, shohim se Evropa do të përballet me një sfidë edhe më të madhe dimrin e ardhshëm,” paralajmëroi ai.
Prandaj, tha ai, qeveritë duhet të marrin menjëherë masa për të përmirësuar efikasitetin e energjisë dhe për të përshpejtuar përdorimin e burimeve të rinovueshme të energjisë dhe pompave të nxehtësisë dhe për të ulur kërkesën për gaz.
