KRRE po analizon numrat, ende nuk dihet sasa do të jetë rritja e çmimit të energjisë elektrike

Kreu i Komisionit Rregullator të Energjisë, Marko Bislimovski, pa  përgjigje precize se sa mund të jetë rritja e çmimit të energjisë elektrike, për të cilën po flitet gjithnjë e më shumë në publik gjatë kësaj periudhe. Në emisionin “Magazina Ekonomike” në Alsat, Bislimovski tha se deri tani kanë mbërritur kërkesat e kompanive dhe shqyrtimi i tyre është duke vijuar.

Gjatë javës së kaluar KRE pranoi kërkesa nga kompanitë të cilave ua përcakton çmimin,  si MEPSO, Shpërndarja e Energjisë Elektrike, NEMO dhe EVN-Home. KRE përcakton çmimin për këto kompani dhe totali që mund të ndikojë KRE-ja është 38%. Në këtë moment nuk mund të themi asgjë sepse jemi duke analizuar numrat,” tha Bislimovski.