Kthimi i talebanëve dhe skenarët dramatikë në Lindjen e Mesme

Afganistani mund të mos jetë pjesë e Lindjes së Mesme, por fati i tij gjeopolitik ka qenë prej dekadash i lidhur pazgjidhshmërisht me atë të rajonit pranë.

Në vitin 2001, rënia e talebanëve ishte arritja e parë e madhe në të ashtuquajturën “luftë kundër terrorit” të Amerikës që transformoi përfundimisht si vendin ashtu edhe Lindjen e Mesme. “Njëzet vjet më vonë, rikthimi i grupit në pushtet në Kabul e ka futur rajonin, ende duke vuajtur nga dëmtimet e papërshkrueshme të asaj lufte, në ujëra të panjohura” shkruan CNN.

“Nëse pushtimi amerikan i Afganistanit nxiti ndërhyrjen e shtuar amerikane në Lindjen e Mesme, atëherë dalja e tij nga vendi gjithashtu sinjalizon një tërheqje të përshpejtuar nga një rajon që ka shërbyer prej kohësh si një qendër gravitacionale e tensionit politik” vijon më tej artikulli.