Kujdes të veçantë gjatë vapës verore! Dermatologët paralajmërojnë: Helmimi nga dielli është i mundur

Helmimi nga dielli është një gjendje serioze që përfshin ekspozimin ndaj rrezatimit ultravjollcë (UV) që shkakton inflamacion të lëkurës.

Në fakt nuk është një diagnozë mjekësore, por një term i njohur për djegien e rëndë nga dielli. Ndryshe nga djegiet e lehta nga dielli, të cilat gjithashtu nuk janë të padëmshme, djegiet e rënda nga dielli kërkojnë vëmendje edhe më serioze – trajtimi është i detyrueshëm për të parandaluar komplikime të tilla si dëmtimi i lëkurës, goditja nga nxehtësia dhe kanceri.

Dermatologia nga Nju Jorku, Debra Jaliman, tha se ënjtja e fytyrës mund të jetë një reaksion alergjik ndaj diellit.

“Kur trupi juaj është i ekspozuar tepër ndaj diellit, sistemi i tij imunitar reagon duke bërë që lëkura të skuqet dhe të bëhet e dhimbshme. Enët e gjakut zgjerohen për të përshpejtuar rrjedhjen e gjakut dhe shërimin, gjë që shkakton skuqjen”, tha ajo.

Tetë simptoma kryesore të helmimit nga dielli:

• Skuqje e lëkurës dhe flluska
• Dhimbje
• Ënjtje
• Shfaqja e të përzierave, dehidrimit, marramendjes, dhimbjes së kokës, gojës dhe lëkurës së thatë – një shenjë paralajmëruese, veçanërisht tek të moshuarit dhe personat me sëmundje kronike të cilët duhet të kontaktojnë menjëherë një mjek (por edhe të gjithë të tjerët nëse vërejnë këto simptoma)
• Rritje e temperaturës dhe etheve
• Të përziera
• Marramendje
• Dehidratim

Nëse mendoni se keni përjetuar helmim nga dielli – vizitoni menjëherë një mjek.

Ekspertët paralajmërojnë se mund të rraskapiteni vetëm në dhjetë minuta, dhe për këtë arsye:

Qëndro në hije.

Nëse duhet të jeni jashtë, qëndroni në hije, veçanërisht midis orës 11:00 dhe 15:00, vishni rroba të lehta dhe aplikoni krem ​​mbrojtës nga dielli. Shmangni aktivitetin fizik për të shmangur djersitjen e tepërt.

Hani ushqime të lehta, pini pije të ftohta dhe shmangni kafeinën, pijet e nxehta dhe alkoolin. Bëni dush me ujë të ftohtë. Mbyllni dritaret dhe ajrosni dhomat gjatë natës.