Kujdes: Vetmia është po aq e rrezikshme sa duhani, thotë një kirurg amerikan

Një mjek amerikan paralajmëron se Shtetet e Bashkuara dhe bota po përballen me një epidemi të vetmisë, e cila është po aq e rrezikshme për shëndetin sa edhe pirja e 15 cigareve në ditë.

Kirurgu Vivek Murthy thotë se ai është në mesin e miliona amerikanëve që kanë përjetuar një ndjenjë të thellë vetmie.

Zyrtarët amerikanë të shëndetësisë duan që izolimi social të trajtohet po aq seriozisht sa obeziteti ose abuzimi me drogën. Pothuajse 50 për qind e të gjithë amerikanëve mendohet se janë të prekur nga vetmia.

Murthy thotë se betejat e tij me vetminë erdhën gjatë dhe pasi ai përfundoi detyrën e tij të parë si kirurg në prill 2017.

– Në atë kohë kam lënë pas dore familjen dhe miqtë, duke menduar se ishte shumë e vështirë të fokusohesha te puna, familja dhe miqtë. Vësova pasojat e kësaj, të cilat ishin një ndjenjë e thellë vetmie që më ndoqi për javë e muaj – thotë ai.

Vetmia rrit rrezikun e vdekjes së parakohshme me pothuajse 30 për qind – përmes kushteve shëndetësore duke përfshirë diabetin, sulmin në zemër, pagjumësinë dhe çmendurinë. Gjithashtu, mungesa e lidhjes sociale shoqërohet me arritje më të ulëta akademike dhe performancë më të dobët në punë. Murthy thotë se vetmia është një sfidë e thellë e shëndetit publik për të cilën duhet folur dhe trajtuar.

“Njerëzit mund të habiten kur mësojnë se rreziku i shtuar i vdekjes së parakohshme që lidhet me lidhjet sociale është në të njëjtin nivel me rreziqet që shohim nga pirja e duhanit çdo ditë dhe më i madh se rreziku që shohim të lidhur me obezitetin”, tha ai.

Ky problem është përkeqësuar nga pandemia e Covid-it, e cila ka bërë që shumë njerëz të zvogëlojnë përmasat e rretheve të tyre shoqërore.

Dr. Murthy bën thirrje për një përpjekje kolektive për të destigmatizuar vetminë dhe për të ndryshuar reagimin kulturor dhe politik ndaj saj. Ai thotë se ka hapa që çdo person mund të marrë si individ, të tilla si kalimi i 15 minutave me të dashurit, shmangia e shpërqendrimeve si pajisjet gjatë bisedës me njerëzit dhe gjetja e mënyrave për të ndihmuar njëri-tjetrin.