Kurti për Vuçiq: Përgjegjësit e katër luftërave në Ballkan duhet të zhvishen nga pushteti

Kryeministri i Kosovës, Albin Kurti, ka thënë se në darkën e kësaj së hëne të shtruar në Bruksel me liderët e vendeve të Ballkanit Perëndimor ka ngritur çështjen e liberalizimit të vizave.

“Kam vënë theksin te çështja e nevojës për liberalizim të vizave, por kemi nevojë edhe për investime në ekonomi që në përgjithësi e zvogëlojnë imigrimin dhe risin punësimin. Të gjitha vendet e Ballkanit Perëndimor do të mund të ecin shumë më shpejt nëse i përmbahen tri vlerave tejet të rëndësishme: dekomratizimit, sundimit të ligjit dhe ballafaqimit me të kaluarën”, është shprehur Kurti, njofton KlanKosova.tv.

“Në Ballkanin Perëndimor kemi kriminel të luftës dhe paqes që dominojnë institucionet. Kjo duhet të marrë fund dhe kështu do të krijohen kushtet për më shumë shpresë në Ballkanin Perëndimor. Kemi përjetuar katër luftëra në Ballkan përgjegjësit për të cilat vazhdojnë të jenë të pajisur me pushtet politik dhe kjo duhet të marrë fund”.

Kurti ka thënë se në darka e radhës kurdo që të mbahet do të shtrohet në njërin nga gjashtë vendet e Ballkanit Perëndimor.