Kush po e “sulmon” Haalandin?

Një gol i Haalandit në Premier League nuk përbën më lajm, por ai kundër Sheffield është rast i veçantë. Sepse pasi mposhti portierin Foderingham, norvegjezi nuk festoi vetëm me shokët e ekipit, por edhe me një tifoz që hyri në fushë në atë moment.

Tifozi iu hodh në qafë Haalandit, i cili në fillim u habit, por pastaj buzëqeshi dhe e përqafoi.

Vetëm disa sekonda zgjati gëzimi i tifozit të City, pasi stjuardët e “mbërthyen” menjëherë dhe e larguan nga fusha e lojës.