Kuvendi miratoi ndryshimet në Ligjin për pagën minimale
Me 90 vota “PRO”, asnjë kundër dhe asnjë të përmbajtur Kuvendi sot miratoi ndryshimet e Ligjit për pagën minimale të cilat duhet të mundësojnë rritjen e saj në 18 mijë denarë.
Rritja e pagës minimale ishte kërkesë e sindikatave, sipas së cilës, është një nevojë ekzistenciale e punëtorëve duke pasur parasysh rritjen e kostove të jetesës dhe faktin se dy paga minimale nuk mjaftojnë për të mbuluar shportën minimale sindikaliste.
