Ndërsa kërcënimi i sulmeve kibernetike rritet, rritet edhe nevoja për ekspertë të sigurisë kibernetike. Byroja e Statistikave të Punës në SHBA parashikon se numri i vendeve të punës në fushën e sigurisë kibernetike do të rritet me 32 për qind gjatë dekadës së ardhshme – shumë më shpejt se të tjerët. Ky profesion konsiderohet si një nga më të nënvlerësuarit dhe mund t’ju sjellë deri në 100 mijë euro në vit.
Aktualisht, ka rreth 600,000 vende pune të paplotësuara për sigurinë kibernetike në SHBA, dhe globalisht, ky numër rritet në 3.5 milionë, tha Lisa Gevelber, shefe e marketingut e Google për tregun amerikan.
Sipas saj, siguria kibernetike është një nga profesionet më të dëshirueshme.
Shumica e punëve të sigurisë kibernetike kërkojnë të paktën një diplomë të shkollës së mesme, si dhe trajnime në internet. Disa nga punët më të njohura të sigurisë kibernetike përfshijnë inxhinierë sigurie, analistë të sigurisë kibernetike dhe arkitektë sigurie. Megjithëse përgjegjësitë e përditshme ndryshojnë për secilin rol, aftësitë thelbësore janë pothuajse identike, thekson Gevelber.
Ekspertët e sigurisë kibernetike janë të përfshirë në vlerësimin e rrezikut, zgjidhjen e problemeve, monitorimin e kërcënimeve të brendshme dhe të jashtme dhe punën brenda infrastrukturës së IT të një organizate. Ekspertët e sigurisë kibernetike punojnë ngushtë me njerëz në departamente të tjera, ndaj është e rëndësishme që të përshtaten lehtësisht dhe në mënyrë efektive për të komunikuar dhe shpjeguar analizat e tyre.
Paga mbi 100,000 euro në vit
Çdo industri ka nevojë për një ekspert të sigurisë kibernetike, por ata janë veçanërisht të kërkuar në sektorin financiar, shëndetësi dhe qeveri, thotë Gevelber.
Paga mesatare për shumë vende pune i kalon 91,490 euro në vit.
Paga mesatare për analistët e sigurisë kibernetike është 102,468 dollarë, ndërsa paga mesatare për menaxherët e sigurisë kibernetike është 150,107 dollarë.
