L.A. Lejkers rikthehet te fitorja, Klivlendi ende nuk njeh disfatën
Plot 13 ndeshje janë zhvilluar në NBA, ku spikat fitorja e radhës për Klivlendin, që mundi 136-117 Golden Stejtin, duke mbetur i pamposhtur. Ky është suksesi i 10-të për Cavaliers, ekipi i vetëm pa humbje. Të gjithë titullarët e Klivlendit realizuan mbi 10 pikë, ku u dallua Garland me 27 pikë. Fitore në kohën shtesë për kampionët e Bostonit, që mundi 108-104 Bruklinin. Vendimtar ishte Xhejson Tatum, me 33 pikë.
Fitore në sekondën e fundit për Feniksin, që mundi 114-113 Dallasin, jashtë fushe (Durant 26 pikë shënuesi më i mirë). Skuadra teksane ndan kreun në Perëndim bashkë me Oklahoma, që fitoi 126-107 ndaj Hjustonit.
Rikthehen te fitorja Los Anxhels Lejkers, që mundën 116-106 Filadelfian, ndeshje ku për vendasit u dallua Engtoni Dejvis me 31 pikë. LeBron Xhejms realizoi një “triple double”, me 21 pikë, 12 rebound e 13 asist.
NBA-Rezultatet
Sharlot – Indiana, 103-83
Detroit – Atlanta, 122-121
Orlando – Nju Orlins 115-88
Boston – Bruklin, 108-104
Klivlend – Golden Stejt, 136-117
Dallas – Feniks, 113-114
Nju Jork – Milluoki, 116-94
Memfis – Uashington, 128-104
Oklahoma – Hjuston, 126-107
Denver – Majami, 135-122
Minesota – Portland, 127-102
L.A.Lejkers – Filadelfia, 116-106
Sakramento – L.A.Klipers, 98-107
