La Liga propozon çmime fikse të biletave për tifozët miq
Është ky propozimi i La Liga-s në Spanjë për 20 klubet e Primera Division, që ka sjellë një akord ende jo unanim, por historik. Të mangët për arsye se është pranuar nga 14 klube dhe jo nga 20, ndërsa mund të konsiderohet historik, pasi është hera e parë që realizohet një iniciativë e tillë në Spanjë.
Skuadrat që e kanë përqafuar idenë e La Ligas janë: Almeria, Kadiz, Sevilja, Betis, Valencia, Atletiko Madrid, Xhirona, Maiorka, Selta, Real Sosiedad, Atletik Bilbao, Granada, Las Palmas dhe Alaves. Mungojnë në akord Reali i Madridit dhe Barcelona, ashtu si dhe Getafe, Rajo Valejkano, Viljareal e Osasuna.
Dy gjigantët e Spanjës i shesin biletat me çmime shumë më të larta dhe në rastin e Barcelonës ka dhe një problem më shumë duke qenë se në sezonin 2023-24, katalanasit do të luajnë në Montjuik dhe jo në “Camp Nou”, që është mbyllur për rikonstruksion, duke patur një kapacitet 50% më të ulët.
