Lagjja e parë e Amerikës pa makina
Lagjja e parë e Amerikës pa makina
Në zemër të shkretëtirës së nxehtë në Tempe, Arizona, ndodhet lagjja e parë e Amerikës pa makina. Në fakt është një lagje e re e quajtur Culdesac, rreth tre kilometra nga qendra e Tempe, ku makinat janë të ndaluara.
Culdesac është një projekt rezidencial prej 170 milionë dollarësh nga biznesmeni amerikan Ryan Johnson, i cili donte të krijonte një komunitet që do të kujdesej për mjedisin, do të reduktonte emetimet e karbonit dhe do të gjente mjete alternative transporti.
View this post on Instagram
Në vend të zhurmës së vazhdueshme të makinave, në Culdesac mund të dëgjohet “gumëzhima e butë” e biçikletave elektrike, të cilat konsiderohen si mjeti i vetëm i preferuar i transportit. Përveç kësaj, 200 banorët e parë të Culdesac morën një biçikletë elektronike falas nga Electric eBikes si dhuratë.
View this post on Instagram
Vendbanimi mbulon rreth 6.5 hektarë dhe aktualisht përfshin rreth 600 apartamente, si dhe restorante, kafene, një qendër fitnesi dhe madje edhe një kuzhinë në natyrë.
Meqenëse makinat janë të ndaluara, nuk ka nevojë për garazhe dhe vende parkimi – kjo hapësirë do të përdoret për përmbajtje me interes të përbashkët.
Në një botë ku njerëzit ndihen të izoluar dhe të tjetërsuar, Ryan Johnson dëshiron të rivendosë një ndjenjë të komunitetit në rrugët e Culdesac. Kjo është arsyeja pse banorët e ardhshëm inkurajohen të ecin sa më shumë, të ndërtojnë marrëdhënie të mira fqinjësore dhe të shoqërohen.
