Lajçak: Duhet koordinim me aleatët për urën e Ibrit

I dërguari i Bashkimit Evropian, Miroslav Lajçak, pas takimit me kryenegociatorin e Kosovës për dialog, Besnik Bislimi ripërsëriti apelin se Ura e Ibrit duhet të hapet, por në koordinim me aleatët ndërkombëtarë.

Këto komente, Lajçak i bëri pas takimit me zëvendëskryeministrin e Kosovës.

“Biseduam se sa progres është arritur nga takimet e fundit. Diskutuam çështjen e Urës së Ibrit dhe hapjen e saj për transport. Qëndrimi i BE-së është i mirënjohur, por po e përsëris… duhet të hapet, por hapja duhet të bëhet në bashkëpunim të ngushtë me partnerët ndërkombëtarë të Kosovës”, ka thënë Lajçak.

I dërguari i BE-së, shtoi se Bislimin kanë diskutuar edhe për takimin në Bruksel që pritet të mbahet në ditët në vijim ndërmjet kryenegociatorëve.

“Shpresoj të mos ketë bllokim, sepse ka impakt negativ në lirinë e lëvizjes dhe jetën e njerëzve”, tha ai.