Lamari i përgjigjet Draket me “diss” në përshkallëzimin e përplasjeve

Reperi i njohur amerikan, Kendrick Lamar, ka publikuar një këngë të re kundër reperit Drake. “Euphoria” është kënga e fundit në përplasjen e gjatë të dy yjeve të mëdha të hip-hopit, që ka përshkallëzuar sivjet dhe është kthyer në një nga “betejat” më të famshme të repit.

Kënga mban titullin e serisë së HBO-së në të cilin Drake shërben si producent ekzekutiv. Ajo u publikua në kanalin e Lamarit në YouTube.

Për 6 minuta, Lamari e ka quajtur Draken “gënjeshtar e manipulator” para se t’ia sulmojë edhe rrënjët kanadeze.