Largoni njollat e forta nga rrobat me një zgjidhje natyrale të thjeshtë me dy përbërës

Të gjithë i urrejmë ato njollat e bezdisshme të sqetullave në veshje, veçanërisht kur ato janë të bardha. Tani një eksperte ka ndarë trukun për t’i larguar këto njolla.

Ajo shpjegon se larja e tyre në cikël të rregullt nuk mjafton për t’i larguar ato, kështu që duhet të provoni një metodë shtëpiake për t’i pastruar.

Merrni pak sodë buke dhe vendoseni në një tas me ujë të ftohtë derisa të bëhet një masë konsistence qumështore.

Vendoseni masën e krijuar tek njollat e sqetullave. Futeni bluzën në një qese plastike dhe mbajeni aty gjatë natës që të mos thahet. Të nesërmen lajeni me cikël të rregull me ujë të ftohtë në makinën larëse.

Ekspertja pohon se sa më i nxehtë të jetë cikli i larjes, aq më shumë ka gjasa t’i përkeqësoni njollat.