Lejkersat pësojnë humbje befasuese nga Detroit Pistons me 12 pikë dieferencë
Është zhvilluar xhiro e radhës në elitën e basketbollit amerikan NBA, ku nuk kanë munguar ndeshjet spektakolare, por edhe befasitë.
Los Anxheles Lejkers janë befasuar në “Little Caesars Arena” të Detroitit, pasi kanë pësuar humbje nga Detroit Pistons me 12 pikë diferencë 115:103. Xhaden Iveyj ka qenë më meritori për fitoren e vendasve me 26 pikë, derisa paraqitje të mirë patën edhe Hardavej me 19 pikë, si dhe Kaningam që shtoi 17 të tjera.
Te Lejkers paraqitje fantastike pati Enthoni Dejvis me 37 pikë, nëntë kërcime e katër asistime, por që në fund nuk mjaftuan për të marrë fitore.
Fitore ka shënuar edhe Klivlend Kavaliers që ka mposhtur Milluoki Baks me dy pikë diferencë 116:114, derisa Boston Seltiks ka triumfuar në udhëtim te Atlanta 93:123.
REZULTATET:
Klivlend – Milluoki 116-114
Uashington – Golden State 112-125
Detroit – LA Lejkers 115-103
Atlanta – Bostoni 93-123
Brooklyn – Memfis 106-104
Majami – Sakramento 110-111
Çikago – Juta 126-135
Hjustoni – Nju Jork 109-97
Minesota – Sharloti 114-93
Oklahoma – Orlando 102-86
Nju Orlins – Portland 100-118
Feniks – Filadelfia 118-116
LA Klipers – San Antonio 113-104.
