Lëndimi i Ter Stegenit hap rrugën për Shçeznin dhe Olmo-n
Lëndimi i portierit gjerman, Mark-Andre ter Stegen, thuhet se i ka hapë rrugë Barcelonës për të regjistruar në skuadër dy nga yjet e ekipit. Sipas gazetës “Mundo Deportivo”, lëndimi i Ter Stegen do të thotë që Barcelona mund ta çregjistrojë atë nga skuadra e tyre e La Liga 2024/25 për momentin.
Kjo do të hapë më shumë hapësirë pagash në skuadrën e tyre. Kjo gjithashtu do të thotë që “blaugranët” duhet të jetë në gjendje të regjistrojë disa lojtarë për të gjithë sezonin e ligës. Sigurisht, Vojcieh Szhçezni do të jetë një zëvendësues i drejtpërdrejtë i Ter Stegen në skuadër pasi transferimi i tij të konfirmohet brenda ditës ose disa ditësh. Ai do të regjistrohet në skuadër sapo të bashkohet me ekipin.
Barça gjithashtu tani mund të regjistrojë Dani Olmon në skuadrën e La Ligës për të gjithë sezonin. Duhet theksuar se mesfushori aktualisht është i regjistruar vetëm deri më 31 dhjetor. Me Ter Stegen jashtë, “blaugranët” mund të përdorin 80% të pagës së gjermanit për të mbajtur Olmon të regjistruar për të gjithë sezonin. Shuma tjetër do të përdoret për Shçeznin.
