Lëndon këmbën e djathtë, Mbape largohet nga kampi francez
Kilian Mbape nuk do të luajë kundër Azerbajxhanit me ekipin kombëtar francez, pasi sulmuesi i Real Madridit largohet nga kampi i ekipit kombëtar francez.
Sipas Federatës franceze në faqen e saj zyrtare, Mbape vuan nga inflamacion në kyçin e këmbës së djathtë dhe do t’u nënshtrohet testeve sapo të kthehet në Madrid.
Mbrëmë sulmuesi francez e udhëhoqi ekipin kombëtar francez drejt një fitoreje të thellë 4-0 kundër Ukrainës, duke shënuar dy gola që i siguruan kualifikimin për Kupën e Botës së radhës./Indeksonline/
