“Lidhja Ndërkombëtare”, Boki-13 dhe babai i tij përjashtohen nga salla e gjyqit
Teatër në sallën e gjyqit për rastin “Lidhja Ndërkombëtare”. Boki 13 dhe babai i tij Mile Jovanovski u përjashtuan nga salla e gjyqit për sjellje të keqe. Boki u konfrontua me gjykatësin, që nga fillimi i seancës. Ai u paralajmërua disa herë dhe më pas u largua. Në dalje, ai theksoi.
https://www.youtube.com/watch?v=9r-T48eJKd8&feature=youtu.be
Ju kërcënojnë ministra dhe kryeministri se do t’ju pushojnë nga puna, sepse jeni servil”-tha Bojan Jovanovski.
Para Bokit, babai i tij u largua nga salla e gjyqit. Ai reagoi, pasi sipas tij, prokuroria paraqiti prova nga bisedat private të Boki 13.
Jeni në nxitim, koha kalon?” Si nuk ju vije turp?”-tha Mile Jovanovski.
Prokuroria paraqiti prova të komunikimit midis Boki 13 dhe biznesmenit Ardian Amzovski, i cilifalënderon shoumenin pasi PSP ka tërhequr rastin kundër tij. Në një mesazh tjetër, Amzoski i kërkon Bokit ti kthejë paratë ose mbi 250 mijë euro. Përveç me biznesmenin, Bojan Jovanovski ka kërkuar takim me Kryeministrin Zaev, dhe pati një përpjekje të pasuksesshme për t’u takuar me Aleksandar Kiracovskin. Avokatët pretendojnë se telefonin e Boki 13 prokuroria nuk e dha për ekspertizë.
Gjithçka që është paraqitur deri më tani është në favor të të pandehurit. Nëse ky është qëllimi i prokurorisë, unë do të pajtohem me këtë”-deklaroi Sasho Dukovski, avokat i Bokit.
Në “Lidhjen Ndërkombëtare”, përveç Bokit dhe babait të tij, akuzohen edhe dy ndihmës të tjerë, dhe ish-deputetja e LSDM-së, Frosina Remenski. Sipas prokurorisë, Boki ka mashtruar dy biznesmenë duke u marrë dy milion euro gjoja për ndërtimin e shtëpive të pleqve.
Bojan Stojanovski
