Ligji i Prokurorisë, para Gjykatës Kushtetuese

Ligji i Prokurorisë, i cili u miratua në Kuvend vitin e kaluar, u vendos në rendin e ditës në Gjykatën Kushtetuese. Nisma për vlerësimin e kushtetutshmërisë u inicua nga Todor Petrov, Kryetari i Kongresit Botëror Maqedonas, një avokat nga Sveti Nikolla dhe ish ministri i Drejtësisë në qeverinë e Nikolla Greuvskit, Mihajlo Manevski. Pikërisht Manevski theksoi se për Ligjin e Prokurorisë, shumica nuk ka kuorum, kështu që Talat Xhaferi anuloi votimin, kur pa se nuk kishte 80 vota, kështu që pati rivotim. E gjithë kjo, thotë Manevski, është e mjaftueshme që Gjykata Kushtetuese ta anulojë Ligjin.

Kryetari i Kuvendit nuk ka autorizim të anulojë votim. Ju të gjithë e dini që gjatë votimit kryetari i Kuvendit tha se debati ka mbaruar dhe e vë ligjin në votim. Dhe votojnë deputetët dhe kryetari. Por, kur u shfaqën 74 ‘për’ dhe 32 ‘kundër’, që do të thotë se Ligji nuk mori shumicën e kërkuar, atëherë kryetari i Kuvendit deklaroi se e anulon votimin …”, tha Mihajlo Manevski, ish ministër i Drejtësisë.

Por, Talat Xhaferi sot e mbrojti korrektësinë e votimit para gjykatësve kushtetues. Ai u tha atyre se gjithçka ishte e ligjshme. Për më tepër, dorëzuesi i nismës, Manevski, nuk pajtohet që prokuroria të mund të hetojë indikacionet e krimit bazuar në biseda të përgjuara në mënyrë të paligjshme, megjithëse ato pastaj nuk mund të jenë dëshmi. Sipas tij, kjo diskriminon ata për të cilët “bombat” ishin dëshmi në sallën e gjyqit. Gjykatësit kushtetues sot mbajtën seancë përgatitore për nismën e vlerësimit të kushtetutshmërisë së ligjit, pas së cilës vendimi nëse do të fillojë një procedurë duhet të vendoset në mënyrë shtesë. Vitin e kaluar, VMRO-DPMNE ishte kundër miratimit të Ligjit të Prokurorisë, me arsyetimin se ai është antikushtetues. Përveç kësaj, opozita kërkoi që bisedat e përgjuara të jenë dëshmi ose në të gjitha procedurat, ose të mos merreshin parasysh fare.

Bojan Stojanovski